سعودی عرب میں پرواز تاخیر پر ایئرلائنز کو بھاری جرمانے ہوں گے، مسافروں کو ہرجانہ دینا پڑے گا، نوٹیفکیشن جاری

سعودی عرب نے مسافروں کے حقوق اور تحفظ  کے لیے قوانین رائج کردیے،پرواز کی روانگی میں تاخیر اور منسوخی پرائیرلائن پربھاری جرمانے عائد ہونگے،مسافروں کو معاوضہ بھی اداکرنا ہوگا۔

سعودی ایوی ایشن (گاکا)کی جانب سے جاری نوٹیفکیشن کے مطابق مسافروں کے حقوق اور تحفظ کیلئے قوانین بنا دیے جو 20،نومبر سے نافذ العمل ہوں گے۔

قوانین کی خلاف ورزی کرنے پرائیرلائن پر بھاری جرمانے ہوں گے اورمسافروں کو ادائیگیاں بھی کی جائیں گی۔

سعودی ایوی ایشن نے پی آئی اے سمیت تمام ائیرلائنز کو احکامات جاری کردیے،پرواز کی روانگی میں تاخیر اور منسوخی پرائیر لائن مسافروں کو معاوضہ ادا کرے گی۔

نوٹیفکیشن کے مطابق ائیرلائن پرواز کی روانگی میں 6 گھنٹے سے زائد تاخیرپرمسافروں کو ہوٹل سمیت تمام سفری سہولت مہیا کرے گی اورمسافروں کو قیام وطعام اور ٹرانسپورٹ فراہم کرنے کی ذمہ دار ہوگی۔

ائیرلائن کی جانب سے 3 گھنٹے سے زائد پرواز کی روانگی میں تاخیر پر مسافروں کو کھانا اور سہولت فراہم کرنا لازمی ہوگا،سعودی ایوی ایشن کے نئےقوانین کے تحت پرواز میں 6 گھنٹے سے زائد تاخیر پرائیرلائن مسافروں کو فی کس 750 ریال دینے کی پابند ہوگی۔

پرواز کی منسوخی کی صورت میں ائیرلائن کو مسافروں کو 150 فیصد ٹکٹ کی ادائیگی کرنا ہوگی،امیگریشن کے بعد مسافر کو آف لوڈ  کرنے پرٹکٹ کی صورت میں 200 فیصد معاوضہ ادا کرنا ہوگا۔

مسافرکو وہیل چئیرسہولت فراہم نہ کرنے پرائیرلائن پر 500 سعودی ریال جرمانہ ہوگا،جبکہ بغیر کسی وجہ کے کسی دوسرے شہر طیارے کو اتارنے پر بھی مسافروں کو معاوضہ دینا ہوگا۔