علی امین گنڈا پور سیاسی یتیم ہے، اسے سیاسی شہید نہیں بننے دوں گا، فیصل کریم کنڈی

گورنر خیبرپختونخوا فیصل کریم کنڈی نے کہا ہے کہ میں صوبے کا وکیل بننا چاہتا ہوں ہر مسئلہ مرکز کے پاس لیکر جاؤنگا،وزیراعلیٰ خیبرپختونخوا علی امین گنڈا پور کیسا انسان ہے سب جانتے ہیں،وزیراعلیٰ خیبر پختونخوا کو چھوٹے عہدے سے اٹھا کر بڑے عہدے پربٹھا دیا گیا۔

نیو نیوز کے پروگرام ’’نیوز ٹاک ‘‘ میں گفتگو کرتے ہوئے فیصل کریم کنڈی نے کہا کہہم انہیں سیاسی شہید نہیں ہونے دیں گے،وزیراعلیٰ خیبرپختونخوا کے صرف ڈائیلاگ ہیں،صوبہ خیبر پختونخوا میں پیسہ کہاں خرچ ہوا کچھ نہیں پتہ،سب سے زیادہ کرپشن خیبر پختونخوا میں ہے۔

فیصل کریم کنڈی نے کہا کہ پنجاب سے خیبرپختونخوا میں گندم لائی جارہی ہے،علی امین گنڈا پور کے کچھ ٹاؤٹ سندھ اور پنجاب میں پھر رہے ہیں،وزیراعلیٰ خیبرپختونخوا اپنے صوبے کے کسانوں سے گندم نہیں خرید رہے،ہم کسی سے ڈائیلاگ نہیں کریں گے،پہلے پاکستان کا آئین ماننا پڑے گا پھر ڈائیلاگ ہوں گے۔

فیصل کریم کنڈی نے کہا کہ میں سیاسی یتیم کو سیاسی شہید نہیں بننے دوں گا۔