عالیہ حمزہ کو مزید 14 دن کے جوڈیشل ریمانڈ پر جیل بھجوا دیا گیا

انسداد دہشت گردی عدالت نے تحریک انصاف کی سابق رکن قومی اسمبلی عالیہ حمزہ کا پولیس اسٹیشن کو آگ لگانے کے مقدمے میں جسمانی دینے کی استدعا مسترد کر دی اور عالیہ حمزہ کو جوڈیشل ریمانڈ پر جیل بھیج دیا۔

پولیس نے عالیہ حمزہ کو نئے مقدمے میں گرفتار کرنے کے بعد عدالت میں پیش کیا اور شادمان پولیس اسٹیشن کو جلانے کے مقدمے میں جسمانی ریمانڈ دینے کی استدعا کی۔عدالت نے  عالیہ حمزہ کا   جسمانی ریمانڈ کی استدعا مسترد کر دی  اور انہیں  14 دن کے جوڈیشل ریمانڈ ہر جیل بھجوا دیا۔

عدالت نے ملزمہ کو 14  فروری کو دوبارہ پیش کرنے کا حکم دیا۔ عالیہ حمزہ کی جانب سے پرویز اقبال ایڈووکیٹ نے دلائل دیئے اور نشاندہی کی کہ اُن کی موکلہ نو ماہ سے جیل میں ہے اب اس کی ضمانت ہوئی تو نئے مقدمہ میں گرفتار کر لیا گیا ہے۔ وکیل نے استدعا کی کہ عالیہ حمزہ کو مقدمے سے ڈسچارج کیا جائے۔