دنیا
امریکی فوجی شمالی کوریا کا بارڈر پار کر گیا،واشنگٹن میں کھلبلی
امریکی فوج کا جنوبی کوریا میں تعینات اہلکار بارڈر پار کر کے شمالی کوریا میں داخل ہوگیا جس کے بعد امریکی فوج اس کے بارے میں کھوج لگانے میں مصروف ہے اور شمالی کوریا کی فوج سے جنوبی کوریا نے ہاٹ لائن پر رابطے کئے ہیں لیکن وہاں سے کیا جواب ملا، امریکی فوج اس بارے میں کچھ بھی نہیں بتا رہی۔
شمالی کوریا میں گھسنے والے فوجی کا نام ٹریوس ٹی کنگ بتایا گیا ہے، ٹریوس نے 2021 میں امریکی فوج جوائن کی اور اسے اس وقت فوج کی جانب سے تادیبی کارروائی کا سامنا تھا۔امریکی وزیر دفاع کے مطابق جنوبی کوریا میں شمالی کوریا کی سرحد کے ساتھ جوائنٹ سکیورٹی ایریا میں ایک مشق کے دوران ٹریوس ’ جان بوجھ کر اور بغیرت اجازت‘ شمالی کوریا کے اندر چلا گیا۔
امریکی وزیر دفاع لائیڈ آسٹن نے کہا کہ ہمیں یقین ہے کہ وہ شمالی کوریا کی حراست میں ہے اور ہم صورتحال کا بغور جائزہ لے رہے ہیں، تحقیقات کر رہے ہیں اور سپاہی کے وارثوں کوبھی مطلع کیا جا رہا ہے۔
شمالی کوریا کے میڈیا میں اس واقعہ کا کوئی ذکر نہیں،اقوام متحدہ کے لیے شمالی کوریا کے نیویارک میں مندوب اور مشن نے بھی اس حوالے سے روئٹرز کے رابطے پر جواب نہیں دیا۔
امریکی فوجی کی جانب سے شمالی کوریا کی بارڈر کراسنگ کا واقعہ ایسے وقت میں سامنے آیا ہے جب امریکی جوہری آبدوز نے پہلی بار بدھ کو جزیرہ نما کوریا کا دورہ کیا اور شمالی کوریا نے دو میزائل فائر کئے، اس طرح دونوں طرف سے کشیدگی عروج پر ہے۔
جنوبی کوریا میں امریکی افواج کے ترجمان کرنل آئزک ٹیلر نے کہا کہ امریکی فوج جنوبی کوریا کی فوج کے ساتھ مل کر معاملے کو حل کرنے کی کوشش کر رہی ہے۔
-
کھیل11 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
کالم1 سال ago
اسلام میں عبادت کا تصور
-
ٹاپ سٹوریز4 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں