ٹاپ سٹوریز
خیبر پختونخوا کے شہر ہنگو میں تھانے کی مسجد میں دھماکہ، دو شہید، متعدد ملبے تلے دب گئے
صوبہ خیبر پختونخوا کے شہر ہنگو میں دوآبہ تھانے کی مسجد میں ہونے ولے دھماکے میں کم از کم دو افراد شہید اور متعدد زخمی ہو گئے ہیں۔
ہنگو میں تھانہ دوآبہ کے ایس ایچ او شابراز خان کے مطابق دھماکہ نمازِ جمعہ کے آخری خطبے کے دوران ہوا جب مسجد میں 30 سے 40 افراد موجود تھے۔
ریسکیو 1122 کے مطابق اب تک ملبے سے دو لاشیں اور چھ زخمیوں کو نکالا گیا ہے جنھیں سی ایم ایچ منتقل کیا جا رہا ہے۔
دھماکے کی نوعیت تاحال معلوم نہیں ہو سکی ہے تاہم اس کی شدت سے مسجد کی چھت گر گئی جس کے نیچے لوگ دبے ہوئے ہیں۔
ریسکیو 1122 کی 6 ایمبولینسز اور ایک ریسکیو وہیکل آپریشنل سرگرمیوں میں حصہ لے رہی ہیں جبکہ کوہاٹ سے بھی ایمبیولینسز کو طلب کر لیا گیا ہے۔
دھماکے کے بعد مسجد کا ایک حصہ منہدم ہوگیا۔ کئی افراد کے ملبے تلے دبے ہونے کا خدشہ ہے۔