فرح گوگی کے بچوں کے نام ای سی ایل میں شامل کرنے پر وزارت داخلہ اور اینٹی کرپشن سے جواب طلب

فرحت شہزادی المعروف فرح گوگی کے بچوں کے نام ای سی ایل میں شامل کرنے کے خلاف درخواست پر لاہور ہائیکورٹ نے وزارت داخلہ اور اینٹی کرپشن  سے رپورٹ طلب کر لی۔

سرکاری وکیل  نے اعتراض اٹھایا کہ فرحت شہزادی کے بچوں نے پہلے  اس معاملے پر اپنی انٹرا کورٹ اپیل واپس لی، انٹرا کورٹ اپیل واپس لینے کے بعد دوبارہ درخواست دائر کر دی۔

درخواات گزار کے وکیل اظہر صدیق ایڈووکیٹ نے کہا کہ  انٹرا کورٹ اپیل اس لیے واپس لی تھی کہ اس وقت کوئی مقدمہ سامنے نہیں آیا۔

عدالت نے ریمارکس دیے کہ  کسی کے بھی ائینی حقوق کے منافی کوئی اقدام نہیں کیا جا سکتا۔

اظہر صدیق ایڈووکیٹ نے کہا کہ فرحت شہَزادی کے بچوں کو تعلیم حتیٰ کی عمرہ کے لیے بھی باہر جانے نہیں دیا جا رہا،بچوں کا سیاست سے تعلق ہے نہ ہی ان کے نام کوئی کاروبار یا جائیداد ہے۔

درخواست گزار کے وکیل نے استدعا کی کہ عدالت بچوں کا نام پی سی ایل سے نکالنے کا حکم دے۔