عرب کلب چیمپئن شپ: النصر سیمی فائنل میں پہنچ گیا، رونالڈو کا گول سوشل میڈیا پر وائرل

سعودی پرو لیگ کے کلب النصرنے عرب کلب چیمپئن شپ میں  شاندار فتح حاصل کی، مراکش کے راجا کلب کو 1-3 سے شکست دے دی،النصر کی اس جیت نے انہیں  عرب کلب چیمپئن شپ کے فائنل میں پہنچا دیا ہے۔

النصر کی جانب سے کرسٹیانو رونالڈو،سلطان الغنم اور فوفانا نے گول اسکور کئے،کرسٹیانو رونالڈو  نےمیچ کے 19 ویں منٹ میں پہلا گول اسکور کر کے اپنی ٹیم کو برتری دلا دی، رونالڈو کا لیفٹ  فُٹ سے کیا جانے والا شاندار گول سوشل میڈیا پر وائرل ہو چکا ہے۔

CRISTIANO RONALDO WHAT A GOAL! pic.twitter.com/kx1djfBzV1

— TC (@totalcristiano) August 6, 2023

سن 1995  کے بعد یہ پہلا موقع ہے کہ النصر کی ٹیم عرب کلب چیمپئن شپ کے سیمی فائنل میں پہنچی ہے ،سیمی فائنل میں النصر  کی ٹیم میں عراقی کلب ال شورتا ایف سی سے ٹکرائے گی۔