عسکری ٹاور حملہ کیس: عمر چیمہ، اعجاز چوہدری، یاسمین راشد کا جیل ٹرائل ہوگا

انسداد دہشتگردی عدالت لاہور نے عسکری ٹاور حملہ کیس کے جیل ٹرائل کا حکم دے دیا،سابق گورنر عمر سرفراز چیمہ ٫ اعجاز چوہدری ٫ میاں محمود الرشید اور ڈاکٹر یاسمین راشد کو جیل سے عدالت میں پیش نہیں کیا گیا۔

انسداد دھشتگردی عدالت کے ایڈمن جج خالد ارشد نے سماعت کی،زیر حراست ملزمان کے جیل وارنٹ عدالت میں پیش کئے گئے،خدیجہ شاہ سمیت مقدمہ کے دیگر برضمانت ملزمان حاضری کیلئے پیش ہوئے۔

پراسیکیوشن نے ملزمان کیخلاف چالان عدالت میں جمع کرا رکھا ہے،مقدمہ میں بغاوت سمیت دیگر سنگین دفعات شامل ہیں،تھانہ گلبرگ نے ملزمان کیخلاف مقدمہ نمبر 1271/23 درج کررکھا ہے۔

عدالت نے ٹرائل کی مزید سماعت 11 جون تک ملتوی کر دی۔