عطاء الحق قاسمی اور روزنامہ جنگ کو سابق سفیر کے خلاف کالم کی اشاعت پر دس لاکھ روپے ہرجانہ ادا کرنے کا حکم

اسلام آباد ہائیکورٹ نے سابق سفیر شیر افگن کیخلاف کالم میں بے بنیاد الزامات عائد کرنے پر عطا الحق قاسمی اور جنگ گروپ کو ایک ملین کا ہرجانہ شیر افگن کو ادا کرنے کا حکم سنا دیا ہے۔

اسلام آباد ہائیکورٹ کے جسٹس سردار اعجاز اسحاق خان کی جانب سے جاری تحریری فیصلے میں کہا گیا ہے کہ کالم لکھنے والے عطا الحق قاسمی پانچ لاکھ روپے ہرجانہ ادا کریں گے، جنگ گروپ، میر شیک الرحمان بقیہ 5 لاکھ روپے ہرجانہ ادا کریں گے۔ عطا الحق قاسمی اور جنگ گروپ جنگ اخبار میں معذرت چھاپنے کے پابند ہوں گے۔

واضح رہے کہ عطا الحق قاسمی نے یکم مئی 2008 کو چھپنے والے کالم میں شیر افگن پر الزامات عائد کیے تھے۔ کالم میں کہا گیا تھا کہ 1999 میں شیر افگن پاکستانی سفارتخانے کی عمارت 34 ملین میں بیچنا چاہتے تھے۔