بلوچستان میں پولیس چیک پوسٹ پر حملہ، 4 اہلکار شہید، ایک دہشتگرد مارا گیا

بلوچستان کے علاقے شیرانی میں پولیس اور یویز کی چیک پوسٹ پر دہشتگردوں کے حملے کے نتیجے میں پولیس کے 3 اہلکار اور ایف سی کا جوان شہید اور ایک حملہ آور مارا گیا۔

شیرانی کے ڈپٹی کمشنر بلال شبیر کے مطابق دہشتگردوں اور سکیورٹی اہلکاروں کے درمیان مقابلہ دو گھنٹے جاری رہا۔ فرنٹیئر کانسٹیبلری کا ایک اہلکار زخمی ہوا جس کی حالت خطرے سے باہر ہے۔ کئی حملہ آور بھی زخمی ہوئے لیکن ان کے ساتھی انہیں ساتھ لے کر فرار ہونے میں کامیاب رہے۔ ہلاک دہشتگرد کی لاش کاؤنٹر ٹیررزم ڈیپارٹمنٹ ( سی ٹی ڈی) کے حوالے کردیا گیا۔

شہید اہلکاروں کی میتیں ژوب ڈسٹرکٹ ہیڈکوارٹرز ہسپتال میں منتقل کر دی گئیں، سکیورٹی فورسز نے علاقے کا محاصرہ کر کے تلاش آپریشن شروع کر دیا۔ سی ٹی ڈی  نے شواہد اکٹھے کر کے تفتیش کا آغاز کردیا۔