پاکستانی طلبہ پر حملے، کرغزستان کے اعلیٰ سفارتکار کو دفتر خارجہ طلب کر کے تشویش سے آگاہ کیا گیا، ترجمان

پاکستان نے بشکیک میں پاکستانی طلبہ پر حملوں کے بعد اسلام آباد میں کرغزستان کے ناظم الامور کو ڈیمارش کیاہے۔ترجمان دفتر خارجہ کے مطابق کرغستان کے ناظم الامور کو معاملے پر پاکستانی حکومت کی تشویش سے آگاہ کیا گیا،پاکستانی حکومت صورتحال پر کرغز حکومت کے ساتھ رابطے میں ہے،چار زخمی پاکستانیوں کو ابتدائی طبی امداد فراہم کر کے ہسپتال سے ڈسچارج کردیا گیا ہے۔

ترجمان دفتر خارجہ نے کہا کہ حکومت پاکستان معاملے پر کرغز حکومت کے ساتھ رابطے میں ہے، کرغیز حکام نے پاکستانیوں کے خلاف تشدد کے واقعات پر افسوس کا اظہار کیا۔

ترجمان دفتر خارجہ نے کہا کہ کرغیز حکام نے انکوائری کرانے اور قصورواروں کو سزا دینے کی یقین دہانی کرائی۔ سفارت خانہ پاکستان نے ہنگامی ہیلپ لائنز کھول دی ہیں۔

ترجمان نے کہا کہ سفارت خانہ پاکستان نے طلباء اور ان کے اہل خانہ کے سوالات کے جوابات دیے ہیں،جمہوریہ کرغزستان میں سفیر حسن علی ضیغم اعلیٰ کرغیز حکام کے ساتھ قریبی رابطے میں ہیں،چار زخمی پاکستانیوں کو ابتدائی طبی امداد فراہم کر کے اسپتال سے ڈسچارج کردیا گیا۔