اسلام آباد ایئرپورٹ سے ہیروئن اور آئس دوحہ سمگل کرنے کی کوشش ناکام

ائرپورٹس سیکورٹی فورس نے بڑی مقدار میں منشیات دوحہ سمگل کرنے کی کوشش ناکام بنادی۔

ترجمان کے مطابق اے ایس ایف کے عملے نے دوحہ جانے والے مسافر سے ہیروئن اور آئس کرسٹل وائٹ ہیروئن سے بھرے دو پیکٹ برآمد کر لیے جن میں سے مجموعی طور پر 1.996کلو گرام ہیروئن اور کرسٹل آئس برآمد ہوئی۔

 مسافر تجزیر خان نے  ہیروئن والے یہ پیکٹ بیگ کی تہہ میں مہارت سے چھپا رکھے تھی تاہم اے ایس ایف کے عملے نے سامان کی تلاشی کے دوران نہایت پیشہ ورانہ مہارت کا مظاہرہ کرتے ھوئے منشیات برآمد کر کے سمگلنگ کی کوششں ناکام بنا دی –

ملزم کو ابتدائی تفتیش کے بعد برآمد شدہ منشیات سمیت مزید قانونی  کارروائی کے لئے اے این ایف حکام کے حوالے کر دیا گیا۔-