آسٹریلیا بھارت کو ہوم گراؤنڈ پر شکست دے کر چھٹی بار ورلڈ چیمئن بن گیا

کرکٹ ورلڈ کپ 2023 میں آسٹریلیا نے انڈیا کو شکست دے کر چھٹی بار ٹائٹل اپنے نام کر لیا ہے۔

آسٹریلیا نے انڈیا کے سکور 240 کے جواب میں مطلوبہ ہدف 43 اوورز میں محض تین وکٹوں کے نقصان پر حاصل کر لیا۔

انڈیا اگرچہ اس ٹورنامنٹ میں اپنے سابقہ 9 میچ جیت کر ناقابلِ شکست ٹیم بن کر سامنے آیا اور پوائنٹس ٹیبل پر نمبر ون پوزیشن نے اسے فائنل کے لیے آئیڈل ٹیم بنا دیا تھا۔

انڈیا نے اپنے ہدف کا دفاع کافی جارحانہ انداز میں شروع کیا اور آسٹریلیا کی ٹیم کے اوپنرز کو سنبھلنے کا موقع دیے بغیر واپس پویلیئن پہنچا دیا۔

لیکن چوتھی وکٹ کی شراکت میں ٹریوس ہیڈ اور مارنس لیبوشین نے ٹیم کو نہ صرف سہارا دیا بلکہ انڈیا کی امیدوں پر اوس بن کر گرے۔

بظاہر ناقابلِ شکست شراکت میں انھوں نے اپنی ٹیم کو کامیابی تک پہنچا دیا تاہم میچ کے اختتامی لمحات میں بڑی شاٹ کھیلنے کی کوشش میں ہیڈ باؤنڈری پر کیچ آؤٹ ہو گئے۔ انھوں نے 137 رنز بنائے۔

ان کے بعد آنے والے گلین میکسویل نے فیصلہ کن دو رنز کا اضافہ کیا اور ٹیم کی جیت پر مہر لگا دی۔

جب ٹیم نے 200 رنز بنا لیے تو انڈین شائقین نے مایوس ہو کر گروانڈ چھوڑنا شروع کر دیا۔

اس سے پہلے انڈیا نے آسٹریلوی کپتان پیٹ کمنز کی دعوت پر روہت شرما کی ٹیم نے پہلے بیٹنگ کرتے ہوئے 240 رنز بنائے۔

میچ میں آسٹریلیا کے بولرز نے متاثرکن کارکرگی دکھائی۔ انڈیا کے ٹاپ سکورر کے ایل راہل رہے جو 66 رنز بنا پائے۔ کوہلی نے عمدہ نصف سنچری بنائی جس کے بعد کمنز نے انھیں آؤٹ کیا۔

آسٹریلیا کے سٹارک نے 55 رنز دے کر تین وکٹیں حاصل کیں جبکہ کمنز نے 34 رنز دے کر دو وکٹیں حاصل کیں۔ ہیڈ کے شاندار کیچ نے روہت شرما کی اننگز کا خاتمہ کیا جنھوں نے 31 گیندوں پر 47 رنز بنائے۔