پاکستان
بارا کوڈا مشقیں، تیل کے رساؤ، بحری قزاقوں پر قابو پانے کا عملی مظاہرہ کیا گیا
![](https://urduchronicle.com/wp-content/uploads/2024/01/barracuda-exercises-pirate-control-were-demonstrated-1.jpg)
پاکستان میری ٹائم سکیورٹی ایجنسی کی تین روزہ باراکوڈامشقیں بحیرہ عرب میں اختتام پزیرہوگئیں،آخری روزشمالی بحیرہ عرب میں تیل کے رساوسے نمٹنے،انسدادبحری قذاقی اورسرچ اینڈ ریسکیوسمیت دیگرپیشہ ورانہ مشقیں کی گئیں۔
پاکستان میری ٹائم سکیورٹی کی اہم بحری مشق باراکوڈا کے اختتامی روزشمالی بحریہ عرب میں پیشہ ورانہ تربیت کے کئی مظاہرے کیے گئے،تقریب کے مہمان خصوصی وزیراعلیٰ سندھ جسٹس مقبول باقرتھے،اس موقع پرصوبائی وزیرداخلہ حارث نوازبھی موجودتھے۔
سمندری مشق کے دوران تیل کے فرضی رساؤکا مظاہرہ کیا گیا،جس کے دوران سمندرمیں رسنے والے تیل کو ایک جگہ جمع کرکے انھیں جدید آلات کے ذریعے سے سطح سمندرسے اٹھاکرٹینکس میں منتقل کیاگیا۔
سرچ اینڈ ریسکیوآپریشن کے دوران لانچ سے سمندر میں ڈوبنے والے افرادکو سی کنگ اورایلوٹ ہیلی کاپٹرسے ویٹ ونچنگ کے ذریعے ریسکیو کیا گیا۔
باراکوڈا مشقوں کے سی فیزکے دوران انسداد بحری قذاقی مشق کے دوران سی کنگ ہیلی کاپٹرکے ذریعے کمانڈوزایک بحری جہاز کے عرشے پراترے اورانھوں نے بحری قذاقوں پرقابوپایا،بندرگاہ اورسمندرمیں بحری فاسٹ اٹیک ایکشن مشق کا بھی شاندارمظاہرہ کیاگیا۔
باراکوڈا مشق کے دوران پاکستانی نیوی اورپاکستان ائیرفورس کے فضائی اثاثے بھی شریک تھے۔
مہمان خصوصی نے مشق کے کامیاب انعقاد پرڈی جی میری ٹائم سکیورٹی ایجنسی کومبارکباد پیش کی اورمشق کے شرکاء کی کاوشوں کو سراہا۔
ان کا کہناتھا کہ سمندری آلودگی ایک عالمی مسئلہ ہے،پاکستانی سمندروں کو مزید آلودگی سے بچانے کیلئےاقدامات کررہے ہیں،سمندرمیں گندہ پانی شامل ہونابھی ایک سنجیدہ نوعیت کا مسئلہ ہے،ہماری حکومت کے پاس جو وقت بچا ہےاس میں اولین ترجیح ہوگی کہ اس معاملے پرٹھوس اقدامات کو یقینی بنائیں۔
ڈی جی میری ٹائم سیکورٹی ایجنسی رئیرایڈمرل امتیازعلی کا میڈیا سے گفتگومیں کہنا تھا کہ باراکوڈاکے ہاربراورسی فیزمیں فرضی مشقوں کے دوران ٹیموں کا رسپانس ٹائم انتہائی قابل تعریف تھا،اگلے 3روزکے دوران بیرون ملک سے آئے مندوبین کےساتھ مل کرسفارشات مرتب کی جائینگی،تاکہ ضرورت کے عین مطابق اگلے دوسال کے دوران اس مشق کے دوبارہ انعقاد کو مذید بہترکرسکیں۔
باراکوڈا میں شریک مہمان ملک کے مندوبین ومبصرین میں تعریفی اسناد بھی تقسیم کی گئیں
-
کھیل10 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل8 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
لائف سٹائل12 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
تازہ ترین2 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے