بی بی پاکدامن مزار زائرین کے لیے کھول دیا گیا، توسیع میں سب نے تعاون کیا، محسن نقوی

بی بی پاک دامن  مزار کو زائرین کیلئے کھول دیا گیا، اس موقع پر نگران وزیراعلیٰ محسن نقوی نے کہا کہ مزار بی بی پاکدامن  کی توسیع  میں سب نے  بہت تعاون  کیا،مزار آج بعد نماز مغرب عوام کیلئے کھول دیا جائے گا،دربار کو ایمپریس روڈ کے ساتھ منسلک کررہے ہیں۔

نگران وزیراعلیٰ پنجاب نے کہا کہ سیکرٹری اوقاف نے تمام علما کرام کو اکٹھا  کیا،تمام  لوگوں نے اختلافات ختم کرکے کنسٹرکشن میں کردار ادا کیا،ہم نے 20 فٹ روڈ کو چوڑا کیا مین روڈ سے اس کا کوئی رابطہ نہیں،ہم سے جو ممکن  ہوا وہ کردیا باقی  اگلی حکومت کرے گی۔

نگران وزیراعلیٰ پنجاب  محسن نقوی نے کہا کہ دعا کریں جانے سے پہلے پہلے داتا دربار کی توسیع کا منصوبہ شروع کرکے جائیں، داتا صاحب  مزار کے احاطے کی 3 گنا توسیع  ہورہی ہے۔