بشریٰ بی بی نے سردار لطیف کھوسہ کے ساتھ فون کال ریکارڈنگ لیک ہونے پر اسلام آباد ہائیکورٹ سے رجوع کر لیا

عمران خان کی اہلیہ بشریٰ بی بی نے اپنے وکیل سردار وکیل لطیف کھوسہ  کے ساتھ فون کال کی ریکارڈنگ لیک ہونے پر اسلام آباد ہائی کورٹ سے رجوع کر لیا۔

درخواست میں  استدعا کی گئی ہے کہ  بشریٰ بی بی سابق وزیر اعظم کی اہلیہ اور سردار لطیف کھوسہ ان  کے وکیل ہیں،بشریٰ بی بی اور وکیل لطیف کھوسہ کی آڈیو کا ل کر ریکارڈ کرکے پبلک کردیا گیا،بشریٰ بی بی اور وکیل سردار لطیف کھوسہ کے درمیان آڈیو کال کو میڈیا پر توڑ مروڑ کر پیش کیا گیا،،عدالت اداروں اور ایجنسیوں کو فون کال ریکارڈ کرنے اور پبلک کرنے سے روکے۔

درخواست میں کہا گیا کہ آڈیو کال کو پبلک کرنے کا مقصد بشریٰ بی بی کو ہراس کرنا،  خاندانی زندگی پر منفی اثرات ڈالنا تھا، سیکرٹری وزیر اعظم، دفاع، داخلہ اور چیئرمین پی ٹی اے کہہ چکے کہ کسی بھی ایجنسی کو خفیہ ریکارڈنگ کی اجازت نہیں،ایک وکیل اور موکل کی درمیان کی گفتگو کو پبلک کرنے سے قانونی نظام درہم برہم ہوجائے گا۔

درخواست میں کہا گیا کہ پی ٹی اے، ایجنسیوں کی جانب سے آڈیو کال کو نہ صرف ریکارڈ کیا گیا بلکہ پبلک بھی کردیا گیا،عدالت اداروں اور ایجنسیوں کو فون کال ریکارڈ کرنے اور پبلک کرنے سے روکے، عدالت اداروں اور ایجنسیوں کو تمام جاسوسی آلات کو ہٹانے کے احکامات جاری کرے۔