آج پنجاب میں طوفانی بارشوں کا امکان،ڈی جی خان، کوہ سلیمان میں طغیانی، مری اور گلیات میں لینڈ سلائیڈنگ کے خدشات

آج پنجاب میں گرج چمک کے ساتھ طوفانی بارشوں کے امکانات ہیں۔ پی ڈی ایم اے  کے مطا بق راولپنڈی، گوجرانوالا ، لاہور ، فیصل آباد ، سرگودھا ، ڈی جی خان ، ملتان ، ساہیوال اور بہاولپور ڈویژن میں بارش ہو گی۔

ڈی جی خان ، کوہ سلیمان کے ندی نالوں میں طغیانی کے امکانات ہیں۔مری اور گلیات میں بارش کے باعث لینڈ سلائیڈنگ ہو سکتی ہے۔

پی ڈی ایم اے کے مطابق بالائی پنجاب کے اضلاع میں ژالہ باری کے بھی امکانات ہیں۔موجودہ موسمی صورتحال میں آسمانی بجلی کی گرج چمک کے امکانات زیادہ ہیں۔

ڈی جی پی ڈی ایم کا کہنا ہے کہ آسمانی بجلی سے بچاؤ کیلئے محفوظ مقامات پر رہیں۔

ڈی جی عرفان علی کاٹھیا نے کہا کہ خراب موسمی صورتحال میں کھلے آسمان تلے ہرگز مت جائیں۔ضلعی انتظامیہ خاص طور پر 24 گھنٹے الرٹ رہے۔

عرفان علی کاٹھیا نے ہدایت کی کہ لینڈ سلائڈ نگ والے علاقوں میں سڑکوں کی بحالی کم سے کم وقت میں ہونی چاہئے۔ ریسکیو ادارے پی ڈی ایم اے کے ساتھ کوآرڈینیشن میں ہیں۔

ڈی جی پی ڈی ایم اے نے کہا کہ ہنگامی صورتحال میں پی ڈی ایم اے کی ہیلپ لائن 1129پر رابطہ کریں۔