چوہدری شجاعت کا مسلم لیگ ن سے سیٹ ایڈجسٹمنٹ نہ کرنے کا فیصلہ

سابق وزیراعظم و مسلم لیگ ق کے صدر چوہدری شجاعت حسین کی صدارت میں پارٹی کا ہنگامی اجلاس ہوا جس میں مسلم لیگ ن کے ساتھ سیٹ ایڈجسٹمنٹ نہ کرنے کا فیصلہ کیا گیا۔

چوہدری شجاعت کا کہنا تھا صرف اپنی ذات کی حد تک سیٹ ایڈجسٹمنٹ قبول نہیں۔ہمارے دیگر امیدوار وں کے مقابلے میں  نون لیگ نے اپنے امیدواروں کو ٹکٹ جاری کر دیے ہیں۔

پارٹی کے قائد اوردیگر رہنماؤں نے فیصلہ کیا ہے کہ ہم اپنے امیدواروں کو دوہرے معیار کی نظر نہیں ہونے دیں گے۔ اورنون لیگ سے سیٹ ایڈجسٹمنٹ نہیں کریں گے۔

میٹنگ میں  چوہدری شجاعت  کا کہنا تھا کہ پاکستان مسلم لیگ نے ہمیشہ پاکستان اور پاکستانی عوام کی ترقی اور خوشحالی کے لیے اپنا کردار ادا کیا ہے اور کرتے رہیں گے۔ صرف اپنی ذات کی حد تک سیٹ ایڈجسٹمنٹ قبول نہیں۔ہمارے دیگر امیدوار وں کے مقابلے میں  نون لیگ نے اپنے امیدواروں کو ٹکٹ جاری کر دیے ہیں۔لہذا پارٹی کے قائد اور دیگر رہنماؤں نے فیصلہ کیا ہے کہ ہم اپنے امیدواروں کو دوہرے معیار کی نظر نہیں ہونے دیں گے۔ اور نون لیگ سے سیٹ ایڈجسٹمنٹ نہیں کریں گے۔

سابق وفاقی وزیر و سینئر نائب صدر پاکستان مسلم لیگ چوہدری سالک حسین نے مزید کہا کہ ن لیگ گجرات سے بھی میرے اور میرے بھائی چوہدری شافع حسین کے خلاف اپنے نامزد کردہ امیدواروں کو ٹکٹ جاری کردیں۔ ہم نے جن امیدواروں سے عہد کیا وہ ہمارے ساتھ ہیں اور اگر ن لیگ انکا مقابلہ کرے گی تو ہم بھی اپنے  ساتھیوں کے ساتھ اسی صف میں کھڑے ہونے کو ترجیح دیں گے۔ہم بنا سیٹ ایڈجسٹمنٹ کے مقابلے کے لیےتیار ہیں۔۔