وزیراعلیٰ مریم نواز نے 100 دن میں عوامی مفاد کے 42 منصوبے شروع کیے،وزیر اطلاعات پنجاب

وزیراطلاعات پنجاب عظمیٰ بخاری کا احمد خان بھچر کی پریس کانفرنس پر ردعمل کہا کہ مریم نواز نے 100دنوں میں 42عوامی مفادکے پروجیکٹس متعارف کرائے ہیں،صحت کارڈ پر رنگ روغن آپ نے کیا یہ پروجیکٹ نوازشریف 2015میں متعارف کراچکے۔

عظمیٰ بخاری نے مزید کہا کہ تختیاں لگانا آپکی حکومت کا مشغلہ رہا ہے،عثمان بزدار تو اپنا تعارف بھی شہبازشریف کے نام سے کراتے تھے،کسانوں کی بات کرنے سے پہلے تھوڑی سے شرم آنی چاہیے تحریک انصاف کے دور میں دو کسانوں کو گولیاں ماری گئی

عظمیٰ بخاری نے کہا کہ ہم آپکی انڈے،کٹے،مرغیاں اور خیراتی ادارے کے لنگر خانوں کی کارکردگی کا واقعی ہی مقابلہ نہیں کرسکتے،مریم نواز نے وزیراعلیٰ منتخب ہوتے ہی 30ارب کا رمضان پیکج دیا،راشن بیگز لوگوں کے گھروں میں پہنچائے،مسیحیوں کو ”ایسٹر پیکج“دیا اور ہندو برادی کو ”ہولی پیکج“دیا۔

عظمیٰ بخاری نے کہا کہ لاہور میں پہلا سرکاری کینسر ہسپتال اور سرگودھا انسٹیٹیوٹ آف کاڈیالوجی ہسپتال شروع کیےمریم نواز کے وزیراعلیٰ بننے کے بعد تین ماہ میں آٹا 1200روپے سستا اور روٹی 20سے 12روپے تک آگئی،مفت علاج معالجے کےلئے فیلڈ ہسپتال،کینسر کی مفت ادیات اور کلنک آن ویلز پروگرام متعارف کرائے،پنجاب کی تاریخ میں پہلی بار ایئرایمبولینس کی سہولت متعارف کرانے جارہے ہیں۔

وزیراطلاعات پنجاب نے کہا کہ 5لاکھ کسانوں کےلئے 300ارب کا تاریخی پیکج لائے،اب ٹریکٹر سکیم بھی متعارف کرادی، کسانوں کےلئے ون ونڈو آپریشن متعارف کرارہے جہاں کسان کی ضرورت کی تمام اشیاءایک چھت کے نیچے ملیں گی۔کسان کارڈ،ہمت کارڈ اور لائیو سٹاک کارڈ متعارف کرائےصوبے میں نئی شاہراہوں کی تعمیر کا کام تیزی سے جارہی ہے۔

عظمیٰ بخاری نے کہا کہ نوجوانوں کو ہنر مند بنانے کےلئے 16شہروں میں 4ہزار طلبہ کے لئے ٹیوٹا کے پروگرامز جاری ہیں،”مریم نواز کی دستک“پروگرام کے تحت شہریوں کو پیدائش،اموات،نکاح،پراپرٹی وغیرہ کے سرٹیفکیٹ کی سہولت بآسانی میسر ہوگی،پنجاب کے 18مزید شہروں میں سیف سٹی پروجیکٹس اور لاہور میں 100مقامات پر فری فائی فائی کی سہولت فراہم کی۔

عظمیٰ بخاری نے کہا کہ ماڈل ویمن پولیس اسٹیشن اور پنک بٹن ایمرجنسی ہیلپ لائن کا اجراءکیا،پہلی چیف منسٹر پنک گیمز شروع کی جس میں 16یونیورسٹیوں کے طلبہ نے حصہ لیامریم نواز نے تین ماہ میں ہی ”اپنا گھر اپنی چھت“پروگرام شروع کیا،ایک لاکھ پہلے مرحلے میں دیے جائیں گے،طلبہ و طالبات کو 20بائیکس کی تقسیم کا آغاز اور صوبے بھر کےلئے 657نئی بسوں کی منظوری دے گئی۔