پاکستان
چیف آف دی نیول اسٹاف کا ضلع سانگھڑ میں ہائی اسکول کا افتتاح
![](https://urduchronicle.com/wp-content/uploads/2023/05/chief-of-naval-staff-admiral-muhammad-amjad-khan-niazi-1-1.jpg)
سانگھڑ میں گورنمنٹ بوائز ہائی اسکول کے ایڈمن اور سیکنڈری بلاک کی افتتاحی تقریب کا انعقاد کیا گیا۔ چیف آف دی نیول اسٹاف ایڈمرل محمد امجد خان نیازی تقریب کے مہمان خصوصی تھے۔
ترجمان پاک بحریہ کے مطابق مہمان خصوصی کی آمد پر وزیراعلیٰ سندھ سید مراد علی شاہ نے ان کا استقبال کیا۔ اس موقع پر وزیرِ تعلیم سندھ بھی موجود تھے۔اسکول کے افتتاح کا مقصد مقامی طلبہ کو معیاری تعلیم فراہم کرنا ہے۔
نیول چیف نے اس موقع پرخطاب کرتے ہوئے کہا کہ یہ ان کے لیے ایک قابل فخرموقع ہے کہ وہ اس اسکول کا افتتاح کر رہے ہیں جہاں انھوں نے زمانہ طالب علمی کے یادگار لمحات گزارے۔ نیول چیف نے اپنے اساتذہ کو بھی خراج تحسین پیش کیا جنہوں نے انہیں زندگی کے عظیم اصول سکھائے اور ان کی قائدانہ صلاحیتوں کو اجاگر کیا۔
پاک بحریہ کے سربراہ نے کہا کہ اساتذہ قومی ترقی میں ریڑھ کی ہڈی کی حیثیت رکھتے ہیں ۔اساتذہ، طلباء کی تعلیمی، معاشرتی اور اخلاقی پرورش کے ذریعے معاشرے کی تشکیل میں اہم کردار ادا کرتے ہیں۔
امیر البحر نے پاک بحریہ کی تعلیمی کاوشوں کی نشاندہی کی جس میں ملک کی طول و عرض میں قائم بحریہ یونیورسٹیز، کالجز اور اسکولز شامل ہیں۔انہوں نے کہا کہ اسٹیٹ آف دی آرٹ کیڈٹ کالج اورماڑہ کی تعمیر بھی بلوچستان کی ساحلی آبادی کو معیاری تعلیم کی فراہمی کیلئے پاک بحریہ کی کوششوں کی مثال ہے۔
آخر میں امیرالبحر نے اسکول کی تعمیر،معیاری انفراسٹراکچر اورجدید تعلیم کی بنیادی سہولیات کی فراہمی کیلئے مالی امداد پر حکومت سندھ کا شکریہ ادا کیا۔
استقبالیہ خطاب کے دوران وزیر تعلیم سندھ سید سردار علی شاہ نے ملک میں معیاری تعلیم فراہم کرنے کے لیے پاک بحریہ کی کاوشوں کو سراہا۔ وزیراعلیٰ سندھ نے اپنے خطاب میں نیول چیف کی جانب سے نوجوان نسل کے لیے کیے گئے اقدامات کو بھی سراہا۔
تقریب میں ممبران قومی و صوبائی اسمبلی، سیکریٹری ایجوکیشن، سول و ملٹری حکام، اساتذہ اور طلباء کی بڑی تعداد نے شرکت کی۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی