نامزد وزیراعلیٰ پنجاب مریم نواز سے چیف سیکرٹری کی تیسری ملاقات، اہم امور پر بریفنگ

نامزد وزیراعلیٰ پنجاب مریم نواز صوبے کے امور میں متحرک ہو گئیں،چیف سیکرٹری پنجاب  نےجاتی امراء میں مریم نواز سےآج بھی ملاقات کی، پنجاب میں جاری منصوبوں اور انتظامی معاملات بارے بریفنگ دی گئی۔

چیف سیکرٹری پنجاب زاہد اختر زمان کی ایک ہفتے میں مریم نواز سے تین ملاقاتیں کرچکے ہیں، ذرائع کا کہنا ہے کہ چیف سیکرٹری پنجاب  نےجاتی امراء میں مریم نواز سےآج بھی ملاقات کی۔

ذرائع کے مطابق چیف سیکرٹری نے نامزد وزیر اعلیٰ مریم نوازکو پنجاب میں جاری منصوبوں اور انتظامی معاملات بارے بریفنگ دی۔

ذرائع بتاتے ہیں کہ مریم نواز نے مفاد عامہ کے منصوبوں پر کام جاری رکھنے کی ہدایت کی، خزانے پر بوجھ بننے والے منصوبوں کی رپورٹ بھی طلب کی۔

ذرائع کا کہنا ہے کہ  مریم نواز نے کام نہ کرنے والے بیورو کریٹس کی فہرست بھی مانگ لی،چیف سیکرٹری نے حالیہ ملاقاتوں میں مریم نواز کوتمام تر معاملات پر تفصیلی بریفنگ دی۔