سول ایوی ایشن نے پی آئی اے کو انٹرنیشنل ایئر ٹرانسپورٹ ایسوسی ایشن کا نادہندہ ہونے سے بچالیا

سول ایوی ایشن اتھارٹی نے پی آئی اے کو انٹرنیشنل ایئر ٹرانسپورٹ ایسوسی ایشن (آیاٹا ) کا نادہندہ ہونےکے خطرےسے بچالیا۔

ذرائع کے مطابق پچھلے ماہ(اگست)میں پی آئی اے نے سول ایوی ایشن اتھارٹی سے موصول ہونے والے 4ارب روپے میں سے ایک ارب روپے کی رقم کے ذریعے آیاٹا کو ادائیگی کی تھی،ایک ارب روپے فوری ادانہ ہوتے تو پی آئی اے ایاٹا کا نادہندہ ہوجاتا۔

آیاٹا کا نادہندہ ہونے سے پی آئی اے کے ٹکٹوں کی دنیا بھر میں فروخت بندہونے کا خدشہ تھا،پی آئی اے مالی بحران کی وجہ سے آیاٹا کو سروس چارجز ادا نہیں کرسکی تھی۔

ذرائع کے مطابق سی اے اے نے مالی بحران کے دوران مشکل وقت میں قومی ائیرلائن کی مدد کی،پی آئی اے انتظامیہ کی جانب سے وصول کردہ 4ارب بشمول آیاٹا کے ایک ارب روپے حکومت پاکستان سی اے اے حکام کو واپس کرےگی،واضح رہے کہ پی آئی اے پرسول ایوی ایشن کے پہلے کے بھاری رقوم واجب الادا ہیں۔