بلوچستان میں کابینہ کی تشکیل کے لیے مشاورت میں تیزی، کون سے نام زیرغور ہیں؟

بلوچستان سے سینیٹرز کی بلامقابلہ کامیابی کے بعد صوبائی کابینہ کی تشکیل کیلئے  مشاورت میں تیزی آگئی ہے۔ کابینہ میں بڑا حصہ مسلم لیگ (ن) کا ہوگا ،دوسرے نمبر پر پیپلز پارٹی کے وزرا کی تعداد ہوگی۔

حکومتی اتحاد کے ذرائع کا کہنا ہے کہ پیپلز پارٹی سے میر ظہور بلیدی ، میر صادق عمرانی، سردارسرفرازڈومکی،علی مدد جتک،اسفند یار کاکڑ، فیصل جمالی، لیاقت لہڑی اور عبید گورگیج کے نام کابینہ کے لیے زیر غور ہیں۔

مسلم لیگ ن سے سردار عبدالرحمان کھیتران ، شعیب نوشیروانی اور عاصم کرد گیلو، سلیم کھوسہ،محمد خان طور،نوابزادہ چنگیزمری اورربابہ بلیدی کی کابینہ میں شمولیت متوقع ہے۔

بلوچستان عوامی پارٹی کوکابینہ میں حصہ دینےپرطارق مگسی اور  ضیالانگوکی بھی کابینہ میں شمولیت متوقع ہے۔