بلاول کے دورہ بھارت پر تنقید،وزیراعظم نے تحریک انصاف کو آڑے ہاتھوں لے لیا

وزیر خارجہ بلاول بھٹو زرداری کے دورہ بھارت پر نئی دہلی حکام کا رویہ اور بیانات اپنی جگہ ہیں لیکن پاکستان کے اندر بھی اس پر اختلاف رائے شدید ہے۔ تحریک انصاف اس دورے پر بلاول بھٹو زرداری اور حکومت کو ہدف تنقید بنائے ہوئے ہے۔

تحریک انصاف کے سیکرٹری جنرل اسد عمر نے نیوز کانفرنس میں بلاول بھٹو زرداری کے دورے پر تبصرہ کرتے ہوئے کہا کہ اس دورے میں بلاول ذلت کے سوا کیا لائے؟ ۔ ان بیانات کا جواب حکمران اتحاد کے رہنما پارٹی سطح پر تو دے رہے ہیں لیکن اب حکومت نے اعلیٰ ترین سطح پر ردعمل دیا ہے۔

It is deeply troubling how the PTI tried to generate a controversy around Pakistan’s participation in the SCO’s meeting in India. It shouldn’t be surprising though as Imran Niazi has had no qualms about imperiling the country’s vital foreign policy interests in the past too. This…

— Shehbaz Sharif (@CMShehbaz) May 6, 2023

وزیراعظم شہباز شریف نے ایک ٹویٹ میں شدید ردعمل کا اظہار کیا اور لکھا کہ پی ٹی آئی کی  بھارت میں ہونے والی شنگھائی  تعاون تنظیم کے اجلاس میں پاکستان کی شرکت  پر تنازع کھڑا کرنے کی کوشش انتہائی پریشان کن ہے۔

شہباز شریف نے جوابی الزام عائد کیا کہ اس میں کوئی تعجب  نہیں ہونا چاہیے کیونکہ عمران خان کوماضی میں بھی ملک کی اہم خارجہ پالیسی کے مفادات کو نقصان پہنچانے میں کوئی عار نہیں رہا۔ جب وہ اقتدار میں تھے تو انہوں نے یہی کیا۔ پی ٹی آئی کے لیے بین الریاستی تعلقات سمیت ہر چیز کھیل کی چیز ہے