پبجاب کے مختلف شہروں میں سی ٹی ڈی کے آپریشنز، کالعدم ٹی ٹی پی کا اہم کمانڈر پکڑا گیا

سی ٹی ڈی کے پنجاب کے مختلف شہروں میں 135 آپریشنز کئے،انٹیلی جنس  بیسڈ آپریشن کے دوران  11 دہشت گرد گرفتار کئے گئے۔

ترجمان سی ٹی ڈی کے مطابق کارروائیاں لاہور، ساہیوال، سرگودھا، بہاولپور، جھنگ، نارووال اور جہلم  میں کی گئیں،بہاولپور سے افغانستان  سے تربیت یافتہ  ٹی ٹی پی  کا اہم کمانڈر گرفتار کر لیا گیا۔

ترجمان سی ٹی ڈی کے مطابق دہشت گردوں  سے خودکش  جیکٹ،  آئی ای ڈیز، ڈیٹونیٹر اور نقدی برآمد ہوئی،گرفتار دہشت گرد مختلف اداروں پر حملوں کی منصوبہ بندی کررہے تھے۔

سی ٹی ڈی حکام کا کہنا ہے کہ رواں ہفتے790 کومبنگ آپریشنز کے دوران 80 مشتبہ افراد گرفتار کیے گئے،کومبنگ آپریشنز میں 33546 افراد سے پوچھ گچھ کی گئی۔

سی ٹی ڈی حکام کا کہنا ہے کہ سی ٹی ڈی محفوظ پنجاب کے ہدف پر عمل پیرا ہے،دہشت گردی کے ناسور کو جڑ سے اکھاڑ پھینکنے کیلئے پرعزم ہیں۔