حج درخواستوں کی وصولی کی مدت دس دن بڑھانے کا فیصلہ

سرکاری اسکیم کے تحت حج درخواستیں کم تعداد میں موصول ہونے پر وزارت مذہبی امور نے حج درخواستوں کی وصولی کی مدت دس روز بڑھانے کا فیصلہ کرلیا۔

وزیر مذہبی امور انیق احمد  نے تصدیق کی ہے کہ سرکاری ریگولر اور اسپانسر شپ اسکیم دونوں کی مدت بڑھائی جارہی ہے۔

وزارت مذہبی امور کی جانب سے پہلے اعلان کردہ مدت کا کل 12دسمبر کو اخری روز ہے۔

وزیر مذہبی امور انیق احمد نے میڈیا سے گفتگو کرتے ہوئے تصدیق کی کہ سرکاری ریگولر اور اسپانسر شپ اسکیم دونوں کی مدت بڑھائی جارہی ہے۔

انیق احمد نے کہا کہ کوشش ہے کہ زیادہ سے زیادہ عازمین فریضہ حج ادا کریں۔ حج سستا اور دیگر اقدامات کے باوجود کم درخواستیں موصول ہونا لمحہ فکریہ ہے۔