فلم ’ اینیمل‘ سے ڈیلیٹ کئے گئے مناظر سوشل میڈیا پر وائرل

بالی وودڈ کے معروف اداکار رنبیر کپور کی فلم ’اینیمل‘ نے ریلیز کے بعد سے ہی سوشل میڈیا اور باکس آفس پر دھوم مچائی ہوئی ہے۔

اب سوشل میڈیا صارفین فلم ’اینیمل‘ کے کچھ ایسے سین منظر عام پر لے آئے ہیں جن کے بارے میں ان کا دعویٰ ہے کہ یہ سین ریلیز سے قبل فلم سے ڈیلیٹ کردیے گئے تھے۔

یہاں یہ بات قابل ذکر ہے کہ جب فلم ’اینیمل‘ کا ٹریلر ریلیز ہوا تب سے  ہی اس فلم کا دورانیہ میڈیا کی خبروں کا مرکز رہا۔

دراصل یہ فلم اصل میں 3 گھنٹے 51 منٹ طویل دورانیے کی تھی لیکن بعد میں فلم کے دورانیے کو کم کرنے کے لیے اس میں سے کچھ ایسے سین ڈیلیٹ کردیے گئے جنہیں ڈیلیٹ کرنے سے فلم کی کہانی متاثر نہ ہو۔

جس کے بعد اب سندیپ ریڈی وانگا کی ہدایت کاری میں بننے والی اس فلم کا دورانیہ 3 گھنٹے 21 منٹ ہے۔

 واضح رہے کہ سندیپ ریڈی وانگا کی ہدایت کاری میں بننے والی فلم ’اینیمل‘ میں رنبیر کپور، انیل کپور، بوبی دیول اور رشمیکا مندانا مرکزی کرداروں میں بڑی اسکرین پر جلوہ گر ہوئے ہیں۔