3 بڑے ایئرپورٹس آؤٹ سورس کرنے کے خلاف کراچی ایئرپورٹ لاؤنج میں مظاہرہ

سول ایوی ایشن ملازمین کی تنظیم اکائی یونین نے ملکی ہوائی اڈوں کو ری سورس کرنے کے خلاف کراچی ائیرپورٹ کے لاؤنج میں احتجاجی مظاہرہ کیا۔

ترجمان کے مطابق مرکزی صدر اکاٸی یونین اشرف وحید مرکزی،سیکرٹری جنرل اکاٸی یونین سمیع اللہ کی قیادت میں کراچی اٸیرپورٹ پرجنرل اجلاس ہوا جس میں سیکریٹری جنرل اکائی یونین سمیع اللہ نے ملازمین کو ملک کے 3 بڑے اٸیر پورٹس کی آوٹ سورسسنگ،سپریٹینٹڈ پروموشنز،فیملی اسیسٹینس پیکج/آغاز حقوق بلوچستان ایمپلائیز،
پے اینڈ پینشن وغیرہ پر ایمپلائیز سے خطاب کیا۔

سمیع اللہ نے بتایا کہ ہمارے ادارے سول ایوی ایشن کو اس مالی سال میں 150 ارب سے زیادہ امدن ہوئی ہے اور یہ تین بڑے ائیرپورٹس ہمارے ملک کے قیمتی اثاثے ہیں اگر انکو آؤٹ سورس کے ذریعے کسی کمپنی کے حوالے کریں گے تو بہت بڑا سیکورٹی رسک بھی ہوگا اور ملک و ادارے کو بھی نقصان ہوگا۔

جلسہ آخر میں احتجاج کی شکل اختیار کر گیا جس میں ایمپلائیز کے نعروں کی گونج بھی شامل تھی ۔ ایمپلائیز نے تہیہ کیا کہ ہم کسی صورت اپنے منافع بخش ادارے سول ایوی ایشن کو آوٹ سورس ہونے نہیں دیں گے اسکو بچانے کے لیۓ تمام ایمپلائیز نے بھرپور یکجہتی کا مظاہرہ کرتے ہوٸے اس اہم اجلاس میں شرکت کی اور اکائ یونین کا پھرپور ساتھ دینے کا وعدہ کیا۔