کراچی میں ڈائریا وبائی شکل اختیار کرگیا، رواں سال ایک لاکھ 67 ہزار کیسز رپورٹ

کراچی میں ڈائیریا وبائی صورت اختیار کر گیا ، شہر کے بڑے اسپتالوں میں جنوری سے ابتک ڈائیریا کے 1 لاکھ 67 ہزار سے زائد کیسز رپورٹ ہوئے ہیں۔

اس عرصے کے دوران پانچ سال سے کم عمر 76402 بچے ڈائیریا میں مبتلا ہوئے، جبکہ پانچ سال سے زائد عمر کے 90955 افراد ڈائیریا کا نشانہ بنے۔

محکمہ صحت سندھ کے مطابق جنوری میں پانچ سال سے کم عمر 22385 جبکہ پانچ سال سے زائد عمر کے 26826 ڈائیریا میں مبتلا مریض اسپتالوں میں لائے گئے۔

فروری میں پانچ سال سے کم عمر 19664 جبکہ پانچ برس سے زائد 23557 مریضوں نے اسپتال کا رخ کیا، مارچ میں ڈائیریا کے پانچ سال سے کم عمر 23144 جبکہ پانچ سال سے زائد عمر کے 27343 مریضوں میں ڈائیریا رپورٹ ہوا۔

اپریل میں تاحال پانچ سال سے کم عمر 11209 جبکہ پانچ سال سے زائد عمر کے 13229 افراد ڈائیریا میں مبتلا ہوکر اسپتال پہنچے۔

رواں سال کے دوران مختلف اسپتالوں میں پانچ سال سے کم عمر 6938 بچوں میں پیچش کے کیسز رپورٹ ہوئے جبکہ اس دوران پانچ سال سے زائد 9295 افراد میں پیچش کی تشخیص ہوئی۔

رواں سال جنوری میں 1991 پانچ سال سے کم عمر جبکہ 2910 افراد پیچس میں مبتلا ہوکر اسپتال پہنچے، فروری میں پانچ سال سے کم عمر 1810 جبکہ پانچ سال سے زائد عمر کے 2424 افراد میں پیچش کی تصدیق ہوئی۔

مارچ میں پانچ سال سے کم عمر 2144 جبکہ پانچ برس سے زائد کے 2619 افراد پیچش میں مبتلا ہوئے جبکہ اپریل میں تاحال پانچ سال سے کم عمر 993 اور پانچ سے زائد عمر کے 1252 افراد پیچش کا شکار ہوئے۔

جنوری تا اپریل شہر میں 37 افراد ہیضے کا شکار ہوئے، محکمہ صحت سندھ کے مطابق شہر کے اسپتالوں میں پیٹ کے امراض میں مبتلا یومیہ سیکڑوں مریض لائے جارہے ہیں۔

ماہرین کے مطابق آلودہ پانی اور مضر صحت غذائوں کا استعمال سے شہریوں کی بڑی تعداد پیٹ کے امراض میں مبتلا ہورہی ہے۔