پی ٹی آئی سندھ میں اختلافات سنگین، یونین کونسل ہارنے والا خرم شیر زمان فیصلے کر رہا ہے، حلیم عادل شیخ

عام انتخابات  کے لئے کراچی میں پی ٹی آئی  کی ٹکٹوں کی تقسیم پراختلافات گہرے ہوگئے، صوبائی صدر حلیم عادل شیخ نے جیل سے عمران خان کو شکایتی خط لکھ دیا۔

حلیم عادل شیخ نے خ میں لکھا کہ موجودہ الیکشن کے لیئے، پی ٹی آئی سندھ نے 726 درخواستیں طلب کی، اورکمیٹی تشکیل دی گئی، بانی رکن ثمر علی خان، جی ایس سندھ علی پلھ (دستخط شدہ)، ریٹائرڈ جسٹس نور الحق قریشی ودیگر کمیٹی میں شامل تھے۔

خط میں کہا گیا کہ کمیٹی نے ہر ضلعی صدر، ڈویژنل صدر اور جنرل سیکرٹری کے ساتھ مشاورت کے بعد پارٹی ٹکٹوں کی فہرست کو حتمی شکل دی۔  کراچی کے لیے، خرم شیر زمان اور جنرل سیکریٹری کے ساتھ مشاورت سے 80 فیصد سے زائد نشستوں پر اتفاق رائے حاصل کیا گیا۔کمیٹی نےفہرست کو حتمی شکل دی، اور ٹکٹ جاری کیے گئے، امیدواروں کی فہرستیں سندھ میں الیکشن جیتنے پر توجہ مرکوز کرتے ہوئے تیار کی گئیں۔

حلیم عادل شیخ کا کہنا ہے کہ نو دن کی سرگرم مہم کے بعد، جب امیدوار کامیابی کے ساتھ تقریباً 30% ووٹرز تک پہنچ چکے تھے، اچانک ایک تیسری کمیٹی تشکیل دی گئی،نئی کمیٹی نے ٹکٹوں کو تبدیل کیا اور الیکشن کامیابی کے عمل میں خلل ڈالا۔ منسوخ شدہ ٹکٹوں نے پہلےسےموجود دونوں انتخابی ٹیموں اور بڑے پیمانے پر ووٹرز کے لیے ممکنہ کنفیوژن کو جنم دیا ہے،امیدواروں نے بھی اپنی مہم اس خدشے کے تحت سست کر دی ہے کہ انہیں بعد میں دستبردار ہونے کے لیے کہا جا سکتا ہے۔پارٹی کی توانائی اور اخراجات دونوں کا بہت بڑا ضیاع ہوا ہے۔

خط میں کہا گیا کہ بنیادی طور پر پارٹی اور ٹکٹوں کے ساتھ جو کچھ بھی کیا جا رہا ہے وہ کافی نقصان دہ ہے جس کا فائدہ پی پی پی اور ایم کیو ایم کو ہو رہا ہے،فردوس شمیم نقوی اور خرم شیر زمان اپنی پسند کے مطابق پارٹی کے اہم فیصلے کر رہے ہیں،خرم شیر زمان اپنے ہی صوبائی اسمبلی کے حلقے کی یونین کونسل ہار گیا،وہ پارٹی کے فیصلے کر رہا ہے، مشکل وقت میں تنظیم قیادت ملی جو پی ٹی آئی سندھ کے سابق صدر علی زیدی نے مکمل طور پر تباہ کر دی تھی، سابق صدر علی زیدی مشکل کے بادل چھٹتے ہی پریس کانفرنس کے ذریعے پی ٹی آئی کو خیرباد کہہ دیا۔