تازہ ترین
چیئرمین پی اے سی کی نامزدگی پر تحریک انصاف میں اختلافات، اسد قیصر، وقاص اکرم، جنید اکبر اور زین قریشی بھی امیدوار
چیئرمین پی اے سی کے انتخاب کا معاملہ پھر لٹک گیا۔ شیر افضل مروت کے نام پر اپوزیشن کے اندر بھی اختلافات سامنے آ گئے، ذرائع کے مطابق اسد قیصر، شیخ وقاص اکرم، جنید اکبر، زین قریشی نے پی اے سی کی چئیرمین شپ کے لیے لابی شروع کر دی۔
پارٹی ذرائع کا کہنا ہے کہ پارٹی کے سینیر رہنماؤں نے شیر افضل مروت کو چئیرمین پی اے سی بنانے کی مخالفت کر دی،ارکان کی رائے ہے کہ پارٹی کے سینئر ارکان میں سے کسی کو یہ اہم کمیٹی کی چئیرمین شپ دینی چاہیے۔
پارٹی ذرائع نے کہا کہ اختلافات کی وجہ سے اپوزیشن نے ابھی تک کوئی نام سپیکر کو تحریری نہیں دیا، اپوزیشن نے حکومت سے بھی اس معاملے پر کوئی رابطہ نہیں کیا۔
ذرائع کا کہنا ہے کہ حکومت کی حمایت کے بغیر اپوزیشن ارکان میں سے کوئی بھی پی اے سی کا چئیرمین نہیں بن سکتا۔