آئی جی سندھ سے ناراض افسر رخصت پر چلے گئے، صوبے میں گریڈ 20 اور 21 کے افسروں کی کمی

آئی جی سندھ رفعت مختار راجہ سے ناراض افسران رخصت پر چلے گئے،صوبے میں گریڈ 20 اور 21 کے افسران کی شدید قلت ہوگئی۔

ایڈیشنل آئی کراچی خادم حسین رند کو مزید تین ذمہ داریاں سونپ دی گئیں،آئی جی سندھ رفعت مختار نے احکامات جاری کر دیے۔

گریڈ 21 کے عمران یعقوب منہاس کے رخصت پر جانے سے خالی ہونے والے دو عہدوں کا چارج خادم حسین رند کے حوالے کردیا گیا۔

پولیس چیف کراچی خادم حسین اب ایڈیشنل آئی جی سی ٹی ڈی اور اور ایڈیشنل آئی جی اسٹیبلشمنٹ سندھ کا چارج بھی سنبھالیں گے۔خادم حسین رند ایڈیشنل آئی جی اسپیشل برانچ کا چارج بھی سنبھالیں گے۔

ڈی آئی جی ٹریننگ فیض اللہ کوریجو ، ڈی آئی جی آئی ٹی کا چارج بھی سنبھالیں گے،ڈی آئی جی ہیڈ کوارٹر محمد زبیر دریشک ، ڈی آئی جی فنانس اور ڈی آئی جی اسٹیبلشمنٹ کا بھی اضافی جارج سنبھالیں گے۔

ایڈیشنل آئی جی ٹریننگ عبدالقادر قیوم ، ایڈیشنل آئی جی آپریشن اور ایڈیشنل آئی جی انوسٹی گیشن سندھ کا بھی اضافی چارج بھی سنبھالیں گے۔