آئی ایم ایف قرض پروگرام منظور کرانے کے لیے دوست ملکوں سے قرضے رول اوور کرانے کی کوششیں تیز

آئی ایم ایف ایگزیکٹو بورڈ کے 6 ستمبر تک کا شیڈول جاری کر دیا گیا۔نئے شیڈول میں بھی پاکستان کا نام شامل نہیں ہے۔ نئے شیڈول میں ویتنام، یوگنڈا اور ڈنمارک سمیت 7 ملکوں کا ایجنڈا شامل ہیں ہے۔ذرائع کے مطابق پیشگی شرائط پوری ہونے کے بعد پاکستان سے متعلق بورڈ اجلاس بلایا جائے گا۔

نئے شیڈول میں ویتنام، یوگنڈا اور ڈنمارک سمیت 7 ملک ایجنڈے کا حصہ ہیں،پاکستان اور آئی ایم ایف کے درمیان اسٹاف لیول معاہدہ 12 جولائی کو ہوا تھا۔

ذرائع کا کہنا ہے کہ پیشگی شرائط پوری ہونے کے بعد پاکستان سے متعلق بورڈ اجلاس بلایا جائیگا،حکومت 2 ارب ڈالرکی اضافی ایکسٹرنل فنانسنگ کی شرط جلد پوری کرنے کیلئے پرامید ہے۔

ذرائع نے کہا کہ سعودی عرب، چین، یواےای سے 12 ارب ڈالر قرض رول اوور کرانے کیلئے بھی رابطوں میں تیزی آگئی ہے۔پاکستان کے ذمے سعودی عرب کا 5 ارب ڈالر، چین 4 ارب ڈالر،یواےای کا 3 ارب ڈالرواجب الادا ہے۔

ذرائع نے بتایا کہ پاکستان سعودی عرب سے ادھار تیل کی سہولت اور سرمایہ کاری کا خواہاں ہے،عالمی مالیاتی اداروں، دوطرفہ ممالک اور کمرشل بینکوں سے قرض لینے کی کوششیں جاری ہیں۔