عام انتخابات کے لیے الیکشن مینجمنٹ سسٹم تیار، نتائج الیکشن کمیشن تیار کرے گا، کنٹرول نادرا کے پاس ہوگا، ذرائع

الیکشن کمیشن عام انتخابات کے لیے نادرا کے سرور کا سہارا لے گا، الیکشن کمیشن اور نادرا کے درمیان سرور ہوسٹنگ کا معاہدہ طے پا گیا۔

ذرائع کا کہنا ہے کہ الیکشن کمیشن نادرا کے سرور ہوسٹنگ کی مد میں رینٹ ادائیگی کرے گا،عام انتخابات کے نتائج نئے سافٹ وئیر الیکشن مینیجمنٹ سسٹم کے ذریعے تیار کیا جائے گا۔

ذرائع کا کہنا ہے کہ عام انتخابات کے نتائج کی تیاری الیکشن کمیشن کی ذمہ داری ہوگی لیکن حتمی کنٹرول نادرا کے پاس ہوگا۔الیکشن کمیشن کے پاس ڈیٹا محفوظ کرنے کے لیے اپنا سرور ہی موجود نہیں۔

ذرائع کا کہنا ہے کہ عام انتخابات کے نتائج نئے سافٹ وئیر الیکشن مینیجمنٹ سسٹم کے ذریعے تیار کئے جائیں گے۔ الیکشن مینجمنٹ سسٹم ڈیجیٹل اور مینوئل طریقوں سے چلایا جائے گا۔

ذرائع کا کہنا ہے کہ الیکشن کمیشن نے چاروں صوبوں میں ای ایم ایس کا کامیاب تجربہ کر لیا،الیکشن کمیشن نے متختلف اضلاع میں ریجنل الیکشن کمشنرز، ڈسٹرکٹ الیکشن کمشنرز کے دفاتر سے تجربہ کیا۔

ذرائع کا کہنا ہے کہ پریزائیڈنگ افسران اپنے پولنگ سٹیشن کے نتائج ریٹرننگ افسران کو بھجوائیں گے،ریٹنرننگ افسران رزلٹ تیار کر کے ڈیجیٹل اور مینوئل طریقے سے الیکشن کمیشن کو بھجوائے گا،ہر ریٹرننگ افسر کو چار چار ڈیٹا انٹری آپریٹرز دیے جائیں گے۔

ذرائع کا کہنا ہے کہ الیکشن کمیشن نے ڈیٹا انٹری آپریٹرز کو ٹریننگ دے دی ہے،ای ایم ایس سسٹم جدید تقاضوں کو مدنظر رکھتے ہوئے تیار کیا گیا ہے۔ای ایم ایس کے ذریعے نتائج انٹرنیٹ اور بغیر انٹرنیٹ کے بھی بھیجیں جا سکیں گے۔