نئے قرض پروگرام کے لیے بجلی گیس مہنگی، مزید ٹیکسوں کے نفاذ کی شرائط، پنشنرز پر 10 فیصد ٹیکس کی تجویز

آئی ایم ایف نے نئے قرض پروگرام کے لیے نئی تجاویز پیش کردیں۔ ذرائع  کا کہنا   ہے کہ آئی ایم ایف نے مزید ٹیکس کے نفاذ، بجلی، گیس مزید مہنگی کرنے کی شرائط عائد کی ہیں۔

ذرائع کا کہنا ہے کہ پنشنرز کو  بھی ٹیکس کے دائرے میں لانے کی تجویز دی گئی ہے۔ خسارے کے شکار ہر سرکاری ادارے کو فروخت کرنے کی بھی تجویز ہے۔

ذرائع کا کہنا ہے کہ ایف بی آرایک لاکھ سے کم پنشن والوں سے ٹیکس لینے کی تجویز پر غور کررہا ہے۔ تمام پنشنرز پر 10 فیصد ٹیکس لگانے کی تجویز پر بھی غور جاری ہے۔

ذرائع نے بتایا کہ آئی ایم ایف مشن کی آمد سے پہلے بجٹ اہداف طے کرنے کا بھی فیصلہ کیا گیا ہے۔ بجٹ اسٹریٹجی پیپر کابینہ سے منظور کرانے کی بھی تیاری کی جا رہی ہے۔