فواد چوہدری نومئی کے مقدمات میں شامل تفتیش ہو گئے

سابق وفاقی وزیرفواد چوہدری لاہور میں ڈی آئی جی انویسٹی گیشن کے سامنے پیش ہوگئے ۔ پولیس ذرائع کے مطابق سابق وفاقی وزیر کو 9 مئی کے اہم مقدمات میں شامل تفتیش کیا گیا ہے،فواد چوہدری نے تحریری جواب  جمع کرانے کیلئے وقت مانگ لیا۔

فواد چوہدری اپنے وکلاء کے ساتھ ڈی آئی جی انویسٹی گیشن ہیڈ کوارٹر پہنچے،مقدمات کی تفتیش کے دوران گرفتار ملزمان کے بیانات کی روشنی میں فواد چوہدری کو شامل تفشیش کیا جا رہا ہے۔

گرفتار ملزمان کے بیانات میں فواد چوہدری کے واقعات میں ملوث ہونے کے شواہد ملے تھے۔

فواد چوہدری نے تمام مقدمات میں عبوری ضمانت کروا رکھی ہے،فواد چوہدری کو تھانہ سرور میں درج مقدمہ 97/23ماڈل ٹاؤن میں درج مقدمہ 366/23 سرور روڈ کے مقدمہ 103/23 میں بھی شامل تفتیش کیا گیا ہے۔