ایف آئی اے نے صنم جاوید کی بریت کے خلاف اپیل دائر کردی

ڈسٹرکٹ اینڈسیشن کورٹ اسلام آباد میں صنم جاؤید کے کیس سے ڈسچارج ہونے پر ایف آئی اے نے اپیل دائر کردی، عدالت نے فریقین کو 18 جولائی کے لیے نوٹس جاری کردیے۔

ایڈیشنل اینڈ سیشن جج افضل مجوکہ کی رخصت کے باعث سماعت ڈیوٹی جج عامر ضیا نے کی جہاں ایف آئی اے پراسیکیوٹر اور تفتیشی افسر ڈیوٹی جج پیش ہوئے اور موقف اپنایا کہ انٹرنیٹ ایک بغیر بارڈر کے میڈیم ہے جس کو کنٹرول نہیں کیا جا سکتا، سائبر کرائم کے پاس صنم جاوید کی جانب سے کیے گئے ٹویٹس کے تمام ثبوت موجود ہیں،پاکستان میں ٹویٹر کا کوئی بھی رجسٹرڈ آفس موجود نہیں، قانونی چارہ جوئی کے لیے امریکا نہیں جا سکتے۔

تفتیشی افسر نے کہا کہ عدالت نے جسمانی ریمانڈ یا جوڈیشل کرنے کی بجائے ملزمہ کو اسی دن مقدمے سے ڈسچارج کردیا ، صنم جاؤید نے اپنے 2 لاکھ فالوورز پر مبنی ایکس اکاؤنٹ سے ایک ویڈیو اپلوڈ کی،ویڈیو میں ایک ادارے کے سربراہ کو قتل کرنے کی دھمکی دی ،ابھی تک صنم جاؤید نے اپنے ایکس اکاؤنٹ کی تفصیلات ایف آئی اے کو مہیا نہیں کیں،صنم جاؤید کا وائس اور ویڈیو انائلسز کرنا ہے۔

ایف آئی اے نے اپیل ڈیوٹی مجسٹریٹ ملک عمران کے فیصلے کے خلاف دائر کی ۔ایڈیشنل سیشن جج افضل مجوکہ ایف آئی اے کی دائر اپیل پر 18 جولائی کو سماعت کریں گے۔گزشتہ روز صنم جاؤید کو ڈیوٹی مجسٹریٹ نے مقدمہ سے ڈسچارج کیاتھا۔