ایف آئی اے نے جعلی ڈگریوں پر پی آئی اے سے نکالے گئے ملازمین کی تفصیلات حاصل کر لیں

پی آئی اے انتظامیہ نے ایف آئی اے حکام کو جعلی ڈگریوں کے الزامات پر نکالے گئے ملازمین کی تفصیلات فراہم کردیں۔

ذرائع کے مطابق ایف آئی اے/ اینٹی کرپشن سرکل نے قومی ائیرلائن سے برطرف ملازمین کی تنخواہوں اور دیگر مراعات کی تفصیلات مانگی تھیں۔

سن 2016 سے سن 2023 تک ملازمتوں سے برخاست ملازمین کی تعداد 14 یے، پی آئی اے انتظامیہ نے مذکورہ ملازمین کے خلاف جعلی اور بوگس ڈگریوں کے الزامات کے سبب کارروائیاں کی تھیں۔

 نکالے گئے ملازمین میں ڈپٹی چیف پائلٹ آفیسر،بیگیج اٹینڈنٹ،سینئر ٹیکنیشن،سپروائزر سمیت دیگر شامل ہیں، پی آئی اے ملازمین کا تعلق پسنجر سروس،بکنگ آفس،فوڈ سروس سیکشن،پسنجر ہینڈلنگ،کارگوسیلزاینڈ سروس سیکشن سے ہے۔