ڈالر، چینی، کھاد اور پٹرول سمگلنگ روکنے کے لیے ایف آئی اے کو اختیارات دے دئیے گئے

امریکی ڈالرز،چینی،کھاد اورپیٹرولیم مصنوعات کی اسمگلنگ روکنے کے لیے ایف آئی اے کوبھی اختیارات مل گئے۔

اسمگلروں کے خلاف کریک ڈاؤن امریکی ڈالر،چینی، کھاد اورپیٹرولیم مصنوعات کی اسمگلنگ کی روک تھام کیلئے کیلئے وفاقی تحقیقاتی ادارے ایف ائی اے کو بھی اختیارات فراہم دے دئیے گئے، امریکی ڈالراوردیگرغیرملکی کرنسی کی تمام ایگزٹ اور انٹری پوائنٹس پر ایف آئی اے کارروائی کرسکے گی۔

تمام زونل ڈائریکٹرز کو روزانہ کی بنیاد پر متعلقہ فارم کے ذریعے تفصیلات ہیڈ کوارٹر فراہم کرنے کا حکم دیا گیا ہے۔

اسمگلنگ کے خلاف کارروائیوں کے حوالے سے اینٹی منی لانڈرنگ ڈائریکٹریٹ سے انسپیکٹر فوکل پرسن مقررکیا گیا ہے جبکہ ایف آئی اے کے تمام زونل ڈائریکٹرز کو بھی ایک فوکل پرسن مقرر کرنے کے احکامات جاری کردیے گئے ہیں۔

مراسلے کے مطابق ایف آئی اے کے تمام زونل ڈائریکٹرز روزانہ کی بنیاد پر صبح 10 بجے رپورٹ بھیجیں گے،واضح رہے کہ وزیر داخلہ کی صدارت میں اجلاس کے بعد ایف آئی اے کو کارروائیوں احکامات جاری کیے گئے۔