وزارت خزانہ حکام کے آئی ایم ایف کے ساتھ ورچوئل مذاکرات، پی آئی اے کی نجکاری کا پلان منظور

آئی ایم ایف اور پاکستانی حکام کےدرمیان ورچوئل مذاکرات میں عالمی مالیاتی فنڈ  نے پی آئی اے کی نجکاری کا پلان منظور کر لیا۔

ذرائع کے مطابق پی آئی اے کی نجکاری ایک سال میں کر کے قرض ادائیگیوں کا پلان مرتب کیا جائے گا،روز ویلٹ ہوٹل اور پی آئی اے کے ڈیوڈنڈ سے قرض ادائیگیوں کا پلان مرتب کیے جانے کا امکان ہے۔

ذرائع نے بتایا کہ آئی ایم ایف کا مطالبہ ہے کہ پی آئی اے کے قرض پر سود کی ادائیگیوں کا بوجھ ایک سال سے زائد نہ ہو،پی آئی اے کی نجکاری ایک سال میں کر کے قرض ادائیگیوں کا پلان مرتب کیا جائے گا۔

ذرائع کا کہنا ہے کہ کابینہ سے منظوری پر کمرشل بنکوں کی جانب سے پی آئی اے پر ادائیگیوں کا چارج ختم ہونے سے نجکاری جلد ہو گی، پی آئی اے قرض ری شڈولنگ پلان پر رواں ہفتے کے دوران آئی ایم ایف سے مزید بھی بات چیت جاری رہے گی۔

ذرائع نے بتایا کہ پی آئی اے کے قرض ریشڈول پلان کی حتمی منظوری وفاقی کابینہ سے لی جائے گی۔