سندھ اسمبلی میں اسی ہفتے قائمہ کمیٹیوں کی تشکیل، پی اے سی کی سربراہی ایم کیو ایم کو نہیں ملے گی، ذرائع

سندھ اسمبلی میں قائمہ کمیٹیوں کا معاملہ رواں ہفتے حل ہونے کاامکان ہے،34 محکمہ جاتی قائمہ کمیٹیاں قائم کی جائینگی،ایم کیو ایم کو آٹھ کمیٹیوں کی چیئرمین شپ ملنے کا امکان ہے۔

ذرائع کا کہنا ہے کہ سنی اتحاد کونسل یا آزاد امیدواروں کو تین قائمہ کمیٹیوں کی سربراہی ملنے کا امکان ہے،جماعت اسلامی کو آزاد ارکان کی حمایت ملنے کی صورت میں ایک قائمہ کمیٹی کی سربراہی ملنے کا امکان ہے،بائیس قائمہ کمیٹیوں می چیئرمین شپ حکمران جماعت پیپلز پارٹی کے پاس جائینگی۔
ذرائع نے بتایا کہ پیپلز پارٹی نے سندھ اسمبلی میں پبلک اکاؤنٹس کمیٹی کی چیئرمین شپ ایم کیو ایم کو نہ دینے کا فیصلہ کیا ہے۔