جنوبی پنجاب سے تحریک انصاف کے سابق ارکان پارلیمنٹ وفاداری فوری بدلنے کی بجائے دیکھو اور انتظار کرو کی پالیسی پر گامزن

تحریک انصاف کے جنوبی پنجاب سے تعلق رکھنے والے رہنماؤں کی اکثریت نے تحریک انصاف چھوڑ کر استحکام پاکستان پارٹی میں شامل ہونے سے گریز کا فیصلہ کیا ہے۔

ضلع راجن پور،ڈی جی خان اور ملتان سے تعلق رکھنے والے متعدد رہنماوں کے درمیان رابطہ ہوا۔ ووٹرز کے رجحان کو سامنے رکھتے ہوئے رہنما ابھی بھی بلے کے نشان کے خواہش مند ہیں۔

ذرائع کے مطابق ضلع راجن پور،ڈی جی خان اور ملتان سے تعلق رکھنے والے متعدد رہنماوں کے درمیان رابطہ ہوئے ہیں، ان رہنماؤں کی اکثریت کا خیال ہے کہ ووٹرز کے رجحان کو سامنے رکھتے ہوئے بلے کے نشان پر ہی الیکشن لڑا جائے۔

ذرائع نے بتایا کہ ان رہنماؤں کی رائے ہے کہ بلے کا نشان بیلٹ پیپر پر نہ ہواتو پھر آذاد حیثیت میں میدان میں اترنے کی دوسری آپشن موجود ہے۔

ذرائع کا کہنا ہے کہ جنوبی پبجاب کے سیاستدانوں نے دیکھو اور انتظار کرو کی پالیسی اپنانے کا فیصلہ کیا ہے،سابق صوبائی وزرا ،حسین بہادر دریشک،ملک اختر،محسن لغاری ، ہاشم جواں بخت بھی فی الحال خاموش ہیں۔