سوئٹزر لینڈ کے پہاڑوں کو کینوس کے طور پر استعمال کرنے والا فرانسیسی آرٹسٹ

سوئٹزرلینڈ کے گاؤں ولرس-سر-اولون میں پہاڑی ڈھلوانوں پر، ایک فنکار نے چاک اور چارکول کا استعمال کرتے ہوئے بچوں کے دو بڑے فریسکوز کو پینٹ کیا ہے  اور یہ دکھانے کی کوشش کی ہے کہ بچے اپنے ارد گرد کی وسیع دنیا کو کیسے دیکھتے ہیں۔

فریسکوز براہ راست گھاس پر پینٹ کیے جاتے ہیں اور موسمی حالات کے لحاظ سے طویل عرصہ تک باقی رہ سکتے ہیں،  ان فریسکوز میں ایک نوجوان لڑکا اور لڑکی دکھائے گئے ہیں جو سکیچ پیڈز پر  پہاڑوں، درختوں، ستاروں اور چاند کی تصویر کشی  کرتے دکھائی دیتے ہیں ۔

سوئس-فرانسیسی آرٹسٹ SAYPE نے کہا کہ اس کے فریسکوز — جو تقریباً 3,000 مربع میٹر (3,590 مربع گز) پر پہاڑ کی چوٹی اور قریبی چراگاہوں سے دیکھے جا سکتے ہیں ، یکسانیت کو مسترد کرنے اور مختلف نقطہ نظر کو اپنانے کی ضرورت کی علامت ہیں۔

فرانسیسی آرٹسٹ کا کہنا ہے کہ بچے مختلف اونچائی پر ہیں، اس لیے وہ مختلف چیزیں بنا رہے ہیں۔یہاں تک کہ اگر وہ مختلف اونچائیوں پر ہیں، وہ دو دنیائیں پینٹ کر رہے ہیں جو ایک دوسرے کی تکمیل کرتی ہیں۔

SAYPE زیادہ تر اپنی "بیونڈ والز” سیریز کے لیے جانا جاتا ہے جس میں اس نے برلن، پیرس، استنبول اور کیپ ٹاؤن سمیت دنیا بھر کے مختلف شہروں میں زمین پر ایک دوسرے سے چمٹے ہوئے دیو ہیکل ہاتھوں کو سپرے کیا ہے۔