جنرل باجوہ اور فیض ہمارے پاس بیٹھ کر قانون سازی کراتے تھے،اب بگاڑ بھگت رہے ہیں، خواجہ آصف

مسلم لیگ ن کے سینئر رہنما خواجہ محمد آصف نے کہا ہے کہ جنرل باجوہ اور جنرل فیض ہمارے پاس بیٹھ کر ہم سے قانون سازی کرواتے تھے،مجلس عاملہ اور ایف اے ٹی ایف سے متعلق بھی قانون سازی کرواتے تھے۔یہ دونوں قانون سازی فوج اور آئی ایس آئی کی مداخلت کے باعث ہوئی تھی،اس ماحول میں اور کیا ہو سکتا تھا جو بگاڑ پیدا ہوا بھگت رہے ہیں۔

خواجہ محمد آصف نے پارلیمنٹ ہاؤس میں میڈیا سے گفتگو کرتے ہوئے کہا صدر مملکت نے دو بار آئین کی خلاف ورزی کی ہے،صدر ڈاکٹر عارف علوم پر آرٹیکل 6 کے تحت غداری کا مقدمہ چلنا چاہیے۔

خواجہ آصف نے کہا کہ سیاسی استحکام کیلئے صرف سیاستدان نہیں باقی پلئیرز بھی ہیں،سارے عناصر کو استحکام کیلئے اکٹھے ہو کر بیٹھنا چاہیے،پچھلے دور میں قانون سازی کیلئے آئی ایس آئی کے میس میں جاتے تھے۔

خواجہ آصف نے کہا جنرل باجوہ اور جنرل فیض بیٹھ کر ہم سے قانون سازی کرواتے تھے،مجلس عاملہ اور ایف اے ٹی سے متعلق بھی قانون سازی کرواتے تھے،یہ دونوں قانون فوج اور آئی ایس آئی کی مداخلت کے باعث بنے،اس ماحول میں اور کیا ہو سکتا تھا جو بگاڑ پیدا ہوا بھگت رہے ہیں۔