رہزنوں کے ہاتھوں موٹرسائیکل اور موبائل فون سے محروم ہونے والوں کو گورنر سندھ نیاموٹرسائیکل اور فون دیں گے

کامران ٹیسوری  نے سندھ کے شہریوں کو خوشخبری سنادی ، اگر کسی کا موبائل یا موٹر سائیکل اکتوبر سے دسمبر  کے درمیان چھینا گیا ہے تو اس کو گورنر سندھ موٹر سائیکل اور موبائل دیں گے۔

گورنرسندھ  کامران ٹیسوری نے پریس کانفرنس کے دوران اعلان کیا کہ کراچی کے جس شہری کا موٹر سائیکل یا موبائل اکتوبر سے دسمبر کے درمیان چھینا گیا اور وہ دوبارہ خریدنے کی استطاعت نہیں رکھتا، تو گورنر ہاؤس رابطہ کرے، چوری شدہ اور چھینے گئے موٹرسائیکل اور موبائل فون کے بدلے موٹرسائیکل اور موبائل فون دیا جائیگا ، ابتدائی طور پر استعمال شدہ دو ہزار موٹرسائیکلیں دس سے پندرہ دنوں میں دی جائیں گی ۔

گورنر سندھ نے الیکشن کے موقع پر سیکیورٹی صورتحال پر بات کرتے ہوئے کہا کہ الیکشن کادور چل رہا ہے رینجرز اور پولیس افسران سڑکوں پر نظر آئیں، ڈی جی رینجرز اور آئی جی سندھ سے کہوں گا کہ منصوبہ بندی کریں ،گورنر سندھ نے اعلان کیا کہ آئندہ رمضان میں ایک ملین لوگوں کو افطار کرایا جائیگا۔