عمان کے 53 ویں قومی دن پر امارات کے قونصل جنرل کی مبارکباد، کیک کاٹا

متحدہ عرب امارات کے قونصل جنرل نے عمان کے 53ویں قومی دن پرعمانی قونصل جنرل کے ساتھ ملاقات کرکے مبارکباد دی اور نیک خواہشات کا اظہارکیا۔

اماراتی قونصل جنرل کراچی ڈاکٹربخیت عتیق الرومیتی نے عمان کے قونصل جنرل انجینئرسامی عبداللہ سالم الخنجاری سےعمان قونصلیٹ میں خصوصی ملاقات کی۔

ڈاکٹر بخیت عتیق الرومیتی نے عمان کے 53 ویں قومی دن پرعمانی قونصل جنرل کو پھول پیش کرتے ہوئےمبارک باد دی اور نیک خواہشات کا اظہارکیا۔

اس موقع پر دوطرفہ برادرانہ تعلقات سمیت  پاکستانی معیشت کو مستحکم کرنے کیلٸے مشترکہ حکمت عملی پر بھی تبادلہ خیال کیا گیا، ڈاکٹر بخیت عتیق الرومیتی کا کہنا تھا کہ پاکستان یو اے ای سمیت تمام عرب ممالک کیلٸے خصوصی اہمیت رکھتا ہے،یہی وجہ ہے کہ مستحکم پاکستان ہی تمام برادر اسلامی ممالک اولین خواہش ہے۔

ڈاکٹر بخیت عتیق الرومیتی نے قونصل جنرل آف عمان انجینئرسامی عبداللہ سالم الخنجاری کے ہمراہ سلطنتِ عمان کے قومی دن پر کیک بھی کاٹا۔