زمینی دستے رات کو شمالی غزہ میں داخل ہوئے اب بھی ’ میدان‘ میں موجود ہیں، اسرائیلی فوج

اسرائیلی فوج نے ہفتے کے روز کہا کہ اس کے زمینی دستوں نے  رات کو شمالی غزہ میں داخل ہو کر بکتر بند دستوں کے ساتھ فوجی کارروائیوں کو بڑھایا ہے۔

فوجی ترجمان ڈینیل ہگاری نے وضاحت کیے بغیر کہا کہ اسرائیلی افواج اب بھی "میدان میں” ہیں۔

ہگاری نے یہ بھی کہا کہ وہ ہفتے کے روز "انسانی ہمدردی کی کوششوں کو وسیع کر رہے ہیں” اور خوراک، پانی اور ادویات لے جانے والے ٹرکوں کو جنوبی غزہ میں داخل ہونے دیں گے۔

اسرائیلی فوج کے ترجمان نے کہا کہ اسرائیل کی فوج نے حماس کے کمانڈروں کو راتوں رات نشانہ بنایا، جس میں گروپ کی بحری اور فضائی افواج کے رہنما بھی شامل ہیں، زمین پر موجود افواج کو کمزور دشمن کے خلاف لڑنے میں مدد ملے گی۔