حمزہ شہباز پنجاب کی سیاست میں دوبارہ متحرک ہوگئے

مسلم لیگ ن کے رہنما حمزہ شہباز ایک بار پھر پنجاب کی سیاست میں متحرک ہو گئے، حمزہ شہباز نے ایک وقفے کے بعد ملاقاتوں اور دوروں کاسلسلہ شروع کردیا۔

حمزہ شہباز نے گزشتہ روز سپیکر پنجاب اسمبلی ملک احمدخان سےملاقات کی، حمزہ شہباز آج خودکشی کرنے والے لیگی کارکن عتیق کے گھربھی گئے۔

حمزہ شہباز امیر بالاج ٹیپو کے گھر بھی گئے،حمزہ شہباز نے امیر بالاج کے بھائی امیر معصب ٹیپو اور امیر فتح ٹیپو کے ساتھ اظہار تعزیت کیا۔

حمزہ شہباز کا کہنا تھا کہ امیر بالاج ایک پڑھا لکھا نوجوان تھا،امیر بالاج ٹیپو کے قتل کا بہت دکھ ہے،قانونی تقاضے پورے ہوں گے اور ملزمان کو قانون کے کٹہرے میں ضرور لایا جائے گا، آپ کو انصاف ملے گا قانون سب کے لئے برابر ہے،ظالم کبھی خدا کی پکڑ سے نہیں بچ سکتا۔

پارٹی ذرائع کا کہنا ہے کہ حمزہ شہباز آنےوالے دنوں میں ن لیگ پنجاب کی سیاست میں نمایاں کردار اداکریں گے۔حمزہ شہباز وفاق کےبجائے ،پنجاب میں کام کرنےُسے متعلق قیادت کو اعتماد میں لےچکے ہیں۔

حمزہ شہباز کئی سال سے ن لیگ پنجاب کے معاملات دیکھتے رہے ہیں، حمزہ کا یوسی لیول تک بھی لیگی کارکنان سے مضبوط رابطہ ہے۔