کھیل
حارث رؤف ورلڈ کپ میں پاکستانی ٹیم کیلئے اہم کردار ادا کریں گے،دنیش کارتک
بھارتی کرکٹ ٹیم کے وکٹ کیپر بیٹر دنیش کارتک حارث رؤف کی باؤلنگ کے دیوانے نکلے، انگلش کرکٹ لیگ The Hundred میں دوران کمنٹری دنیش کارتک نے کہا کہ حارث رؤف دنیائے کرکٹ کے سب سے خطرناک باؤلر ہیں، وائٹ بال کرکٹ میں ان کی باؤلنگ کا کوئی مقابلہ نہیں ، خاص طور پر ڈیتھ اوورزمیں وہ بہت شاندار باؤلنگ کرتے ہیں۔
دنیش کارتک کا کہنا ہے کہ حارث رؤف کی کہانی بہت شاندار ہے، پی ایس ایل میں لاہور قلندرز کی نمائندگی کرنے سے قبل وہ ٹینس بال کھیلا کرتے تھے، پھر لیگ کرکٹ اور اب انٹرنیشنل کرکٹ میں بھی عمدہ کارکردگی کا مظاہرہ کر رہے ہیں،2023 میں بھارت میں ہونے والے ورلڈ کپ میں حارث رؤف کا کارکردگی پاکستانی ٹیم کیلئے بہت اہم ہو گی۔
واضح رہے کہ ان دنوں حارث رؤف انگلینڈ میں دی ہنڈرڈ لیگ میں ویلش فائر کی نمائندگی کر رہے ہیں جہاں گزشتہ روز کھیلے گئے میچ میں انہوں نے 3 وکٹیں لی تھیں۔