ہیڈنگلے ٹیسٹ، انگلینڈ اور آسٹریلیا کے سکواڈز میں تین تین تبدیلیاں

ہیڈنگلے میں کھیلے جانے والے تیسرے ٹیسٹ میں انگلینڈ کے کپتان بین سٹوکس نے ٹاس جیت کر فیلڈنگ کا فیصلہ کیا،آسٹریلیا نے اس ٹیسٹ میں سکواڈ میں تین تبدیلیاں کی ہیں۔

آسٹریلیا کو ایشز ٹیسٹ سیریز میں 2۔0 کی برتری حاصل ہے اور تیسرا ٹیسٹ انگلینڈ کے لیے جیتنا ضروری ہے ورنہ آسٹریلیا کلین سویپ کر جائے گا۔ آف سپنر ناتھن لیون کی کلائی زخمی ہونے کی وجہ سے آسٹریلیا کو سکواڈ میں تبدیلی کرنا پڑی ہے، ان کی جگہ توڈ مرفی کو کھلایا گیا ہے۔

آل راؤنڈر یمرون گرین کو ہیمسٹرنگ دباؤ کی وجہ سے ان کی جگہ مچل مارش کو شامل کیا گیا ہے اور فاسٹ بالر جوش ہیزل وڈ کی جگہ پیسر سکاٹ بولینڈ کو شامل کیا گیا ہے۔ جوش ہیزل وڈ کو لگاتار ٹیسٹ کھیلنے کے بعد آرام کے لیے وقفہ دیا گیا ہے۔

آسٹریلیا کے سٹار بلے باز سٹیو سمتھ جنہوں نے لارڈز میں سنچری سکور کی، ہیڈنگلے میں 100 واں ٹیسٹ کھیل رہے ہیں۔

انگلینڈ نے بھی سکواڈ میں تین تبدیلیاں کی ہیں، انگلینڈ نے وکٹ تیکر بالر جیمز اینڈرسن کی جگہ مارک وڈ کو شامل کیا ہے، سیم بالنگ آل راؤنڈر کرس ووکس اور سپنر معین علی کو بھی واپس بلا لیا گیا ہے۔

اینڈرسن نے ٹیسٹ کرکٹ میں سب سے زیادہ 688 وکٹیں حاصل کر رکھی ہیں لیکن 40 سالہ اولڈ وئنگ سپیشلسٹ کو اس سیریز میں زیادہ کامیابی نہیں ملی اور 75 رنز کے بدلے تین وکٹ حاصل کر پائے۔

معین نائب کپتان اولی پوپ کی جگہ بلائے گئے ہیں کیونکہ لارڈز ٹیسٹ میں ان کے کندھے کی ہڈی کھسک گئی تھی۔